Hasjhesj

La oss no tenkje etter; er hesjing kompatibelt med hasjing? Det lurer eg på. Hasjing er jo ofte rekna som ein minst like idyllisk somaraktivitet som det meste gardsarbeid, kanskje det kan kombinerast? Å hesje i hasjrus, sving den høygaffelen mann! Og kva med mjølking? Enormt mykje potensial for artige opplevingar for det sløve sin. Og medan traktorkøyring i alkoholrus er ein høgt prisa sportsaktivitet i bygdenoreg, så er ikkje same aktiviteten under påverknad av andre rusmiddel like godt likt. Her må ein utforske, og finne ut kva som går og ikkje går.

Eg trur eit slikt prosjekt er bra basis for ein dokumentar, eller ein kortfilm, så om nokon er villeg til å finansiere prosjektet Hesjhasj, så sei ifrå.

Ikkje at Sabeltann på noko som helst vis er tilhengjar av hasj; eg er barnevennleg og stor tilhengjar av rusfri moro, sjølvsagt.